Market Executive kaise bane:-Jaisa ki aap log jaante hain, aaj ke samay har ek yuva apne career ko lekar bahut zyada chintit aur uljhan mein fasa rehta hai. Sahi career option ka chayan karna bahut zaroori hai kyunki iske dwara yuva apne bhavishya ko bana sakta hai. Agar aapka bhi sapna Market Executive banne ka hai, to ye article aapke liye bahut madadgar sabit hoga. Aaj ke article mein hum aapko batayenge ki Market Executive kaise bane. Poori jankari ke liye aap article ko akhri tak padhen. Aaiye jaante hain:

Market Executive kya hota hai?

Market Executive woh professional hote hain jo kisi company ke brand, products ya services ko badhawa dene ke liye marketing strategy banane ka kaam karte hain. Inka main kaam hota hai ki company ka product aur service customer tak pahunch sake. Jaise ki aap logon ko maloom hai, aaj ke samay koi bhi company apne product aur service ko customer ke pass tabhi pahunch payegi jab uske paas ek behtareen marketing team hogi. Marketing ka matlab hota hai company ke service aur product ka prachar aur prasar karna. Jo vyakti is prakar ke kaam ko karte hain unhe Marketing Executive kaha jaata hai. Market Executive company ke saare market campaign ko lagu karne ka kaam karte hain.

Iske alawa woh market mein ek gahan research bhi karte hain ki kis prakar company ke product ki marketing ki jaye taki product adhik se adhik customer tak pahunch sake. Aam taur par, Marketing Executive kisi company ke marketing vibhag mein kaam karte hain aur company ko unki marketing projects aur lakshyon ko poora karne mein madad karte hain. Ek Marketing Executive ke roop mein, aap kisi product, service ya vichar ko badhawa dene ke liye centralized marketing abhiyanon mein yogdan denge aur unka vikas karenge.

Market Executive banne ke Eligibility

Market Executive banne ke liye 12th mein 50% number hone zaroori hain. Uske baad hi aap Market Executive bachelor degree mein apna admission karwa payenge. Marketing Executive ke liye chhatron ko CAT, AIMA-MAT, CMAT, IBSAT jaise entrance exams utteern karne honge. Agar aap Market Executive ke liye master degree karna chahte hain to aapke paas bachelor degree ka hona zaroori hai. Videsh mein master degree program mein admission lene ke liye aapke paas acha GMAT/GRE score hona chahiye. Halaanki videsh ke kuch universities MBA ya master degree program ke liye 2 varsh ka experience maangti hain.

Market Executive Skills

Market Executive banne ke liye aapke andar kuch vishesh prakar ke skills ka hona zaroori hai. Jiska vivaran niche de rahe hain:

Accha teamwork skills hona chahiye.
Anukoolan kshamata honi chahiye.
Dhyan kendrit ek jagah kendrit hona chahiye.
Accha public speaking confidence.
Naye aur innovative vicharon ko sveekar karne ki vishesh kshamata.
Vyaparik jagrukta honi chahiye.
Sangathan skills ki kshamata honi chahiye.
Acchi communication skills.
Accha marketing executive rachnatmak hona chahiye.
Vishleshanatmak skills hona chahiye.

Market Executive Course List

Market Executive banne ke liye bachelor degree ka course karna zaroori hoga. Iske alawa aap chahe to master degree ka bhi course kar sakte hain. Kaun-kaun se courses uplabdh hain uska vivaran niche de rahe hain:

Bachelor of Business Management (BBM)
Bachelor of Business Administration (BBA)
Bachelor of Commerce (BCom)
Bachelor of Commerce Honors (BCom H)
Bachelor of Arts (BA)
Master of Business Administration (MBA)
Master of Management Studies

Top Indian Institutes for Market Executive Course

Bharat mein kuch behtareen colleges hain jahan se aap Market Executive course kar sakte hain:

IIT
Xavier Labour Relations Institute
SP Jain Institute of Management and Research (SPJIMR)
Xavier Institute of Social Service
MIT School of Business
Indian School of Business
T. A. Pai Management Institute
Petroleum and Energy Studies University
Symbiosis Institute of Business Management
Guru Gobind Singh Indraprastha University
Chandigarh University
NIMS University

Top Foreign Institutes for Market Executive Course

Market Executive kaise bane:-Videsh mein bhi kuch behtareen colleges aur sansthan hain jahan se aap Market Executive ka course kar sakte hain:

Columbia Business School, Columbia University
Alliance Manchester Business School, Manchester University
Imperial College Business School, Imperial College London
Warwick Business School, Warwick University
ESCP Europe Business School
EMLYON Business School
HEC Paris
EDHEC Business School
Vienna University of Economics and Business, Vienna University
ESADE Business School

Market Executive kaise bane

Bachelor Degree Poori Karen:

Market Executive banne ke liye sabse pehle aapko Advertising, Marketing, Business Management, Economics, ya Communication mein bachelor degree hasil karni hogi. Uske baad aap BBM, BBA, BCom, BCom Hons, ya BA jaise courses mein admission lekar Market Executive ban sakte hain.

Internship Poori Karen:

Jaise hi aap apni bachelor degree poori kar lenge, aapko sabse pehle practical experience lene ki zaroorat hai. Iske liye aap kisi bhi company mein internship poori karni hogi, taki aapko marketing ke field ka practical knowledge mil sake.

Vyavaharik Anubhav Praapt Karen:

Koi bhi company aise logon ko apni company mein rakhna pasand karti hai jinke paas anubhav hota hai. Aise mein agar aap is field mein entry level par kaam karna chahte hain to aapko sabse pehle kuch vyavaharik experience praapt karna hoga. Market Executive banne se pehle, Marketing Assistant ya Sales Representative ke roop mein apna career shuru karen.

Master Degree Ki Padhai Poori Karen:

Market Executive kaise bane Master of Business Administration (MBA) ki degree praapt karke aap apne career ko tez raftar de sakte hain. MBA karne wale vyakti ko marketing ke field mein uccha post milta hai. MBA ki degree aapko ucch star ke prabandhan padon ke liye taiyar karti hai. Adhikansh companies unhe prathmikta deti hain jinke paas marketing ke field mein MBA degree aur work experience hota hai. MBA colleges mein pravesh aam taur par ek entrance pariksha ke madhyam se hota hai jiske baad ek interview hota hai.

Market Executive Salary

Career ki shuruaat ke dinon mein Market Executive 20,000 se lekar 30,000 rupaye per month kama sakte hain. Jaise-jaise inka experience badhta hai, inki kamai lakhon mein bhi pahunch sakti hai. Halanki uske liye lagataar mehnat aur sangharsh karna hoga.

FAQs Market Executive kaise bane

Q1: Market Executive ka kya kaam hota hai?

Market Executive company ke product aur service ka prachar-prasar karne ke liye marketing strategy banane ka kaam karte hain.

Q2: Market Executive ke roop mein kaun-kaun se companies mein kaam kar sakte hain?

Market Executive course karne ke baad vyakti McKinsey, P&G, PepsiCo, Google, Nike, Coca Cola, American Express, Starbucks, Johnson & Johnson aur Nestle jaise companies mein kaam kar sakte hain. Iske alawa bhi kai prakar ki companies hain jahan par Market Executive ki zaroorat hoti hai.

Q3: Marketing mein MBA ki fees kitni hai?

Marketing mein MBA ki fees lagbhag 3 se 10 lakh ke beech hoti hai.

Q4: Market Executive banne ke liye kaun se skills honi chahiye?

Market Executive banne ke liye aapke paas teamwork skills, anukoolan kshamata, accha public speaking confidence, naye aur innovative vichar sveekar karne ki kshamata, vyaparik jagrukta, communication skills, aur vishleshanatmak skills honi chahiye.